Skólaboltinn farinn að rúlla aftur

Jæja, nú er boltinn farinn almennilega af stað aftur í skólamálum hjá mér. Í gær fékk ég staðfestingu þess efnis að umsóknin mín hefði verið samþykkt og ég þyrfti því næst að senda inn viðtalsbeiðni. Ég var, ásamt félögum mínum tveimur sem eru að sækja um með mér, farinn að verða nokkuð smeykur þarna á tímabili, því við sendum inn umsóknirnar okkar fyrir rúmum 6 vikum síðan og höfðum ekki heyrt neitt frá skólanum til baka. Svo við vorum svolítið í lausu lofti með þetta allt saman. Ég prófaði svo að senda e-mail á skólann í síðustu viku og fékk svar frá þeim í gær um að staðfestingarbréfin hefðu verið send til okkar allra fyrir um viku síðan. Það vildi síðan svo skemmtilega til að þegar ég var búinn að lesa svarið frá þeim fór ég niður og kíkti í bréfalúguna… og viti menn, þar var bréf frá skólanum.

Svo ég pantaði viðtalið strax í dag og fékk það sent í rafpósti alveg um hæl. Ég var rétt í þessu að klára að svara öllum spurningunum og senda það til baka á hann Bruce félaga minn. Svo nú er bara að bíða og vona.

Ég held þetta sé samt nokkuð öruggt (eða ég vona það allavega… vona að ég “jynxi” þetta ekki með því að koma með svona yfirlýsingar). Í svarbréfinu sem ég fékk frá þeim er talað um að umsækjendur séu á svona “fyrstir-koma-fyrstir-fá” beisis og eins og mér skildist þegar ég hringdi í þá rétt áður en við sóttum um, þá var nóg laust á þessa braut í september (námið hefst 3. september).

Endanlegt svar á svo að berast frá þeim eftir u.þ.b. tvær vikur. Eftir það tekur svo bara við íbúðaleit.

Spennó!

Laus við myndagátu #15

Annað hvort eru þessar gátur hjá mér of léttar og fólk gantast út í það hvað þetta sé auðvelt, eða þá að þær eru of erfitt og fólk röflar yfir því hvað þetta sé strembið. Það er erfitt að finna þennan gullna milliveg þarna á milli.

Mér bárust rúmlega 20 ágiskanir, sem er gott og alltflestar ágiskanirnar voru réttar. Það berast (skiljanlega) alltaf fleiri ágiskanir þegar þetta er í auðveldari kantinum. En mér er spurn: var einhver sem gat þetta ekki og þorði bara ekki að senda inn svar?

Allavega, lausnin er þessi:

Ágiskanir:

Arndís Ósk – Hald á mjólkur könnu (eins og maður færir með kaffi) sem er á hlið
Aron Smári – Gamaldags plötuspilari
Ástþór – Bolli
Beggi – Puttagat á annaðhvort könnu eða bolla
Bengta María – Gler eyra
Boggi – Handfang á bolla
Davíð Egils – Bolli og Undirskál
Einir – Hald á bolla
Gísli Friðrik – Kaffibolli
Helgi Ólafs – Kaffibolli
Jóna Heiða – Bolli ofan á undirskál
Kári Yngva – Handfang á bolla
Nía – Hald á bolla
Óli Jói – Bolli (handfangið á bolla)
Ólöf Ragnars – Te- eða kaffikanna
Sigurjón Viðars – Bolli
Sindri Ólafs – Bolli og undirskál
Sóley – Bolli
Sæþór Á – Bolli á undirskál
Tóta – Postulín bolli
Þórir Ólafs – Hald á bolla

Tóta var fyrst til að svara rétt, svo hún er sigurvegari þessarar umferðar og er hún verðlaunuð með heiðrinum einum saman, enda merkilegur heiður að vera fyrstur að svara.

Næsta getraun verður svo tónlistargetraun #2. Stei tjúnd!

Gleðilegt vor!

Jæja, gleðilegt sumar og allt það. Er ekki annars komið sumar? Mér finnst fullfljótt að vera setja sumardaginn fyrsta í miðjan apríl. Finnst það svona heldur mikil bjartsýni hjá fólki að ætlast til þess að sumarið komi svo fljótt. Ég meina, við búum nú einu sinni á landi ísa og elds. Er ekki hægt að kalla þetta bara ‘vordaginn fyrsta’ frekar? Ég gæti alveg gúdderað það. Ekki að það skipti neinu máli fyrir mig svo sem, en verðurfarslega séð byrjar sumarið auðvitað ekki fyrr en í lok maí/byrjun júní. Veðrið hefur samt verið allt í lagi undanfarið, svolítið kalt reyndar og örlítið vindasamt ennþá, en það er allavega enginn snjór (sjö, níu, þrettán). Mikið ofsalega vona ég að við sjáum engan snjó aftur fyrr en næsta vetur. Snjór er dauði.

Annars fór ég í afmæli í gær. Grettir Jóhannesson fagnaði aldarfjórðungsafmæli og óska ég honum enn og aftur til hamingju með það. Við ákváðum nokkrir peyjar á föstudaginn að flippa aðeins. Ákveðið var að við skyldum mæta í afmælið klæddir náttsloppum, hlýrabolum, afaskóm og með sólgleraugu og hatt. Þetta gerðum við og mættum í veisluna án þess að nokkur vissi að þetta stæði til. Frekar skoplegt upplitið á fólkinu þegar það sá múnderingarnar okkar. En annars var þetta mjög þægilegt… eiginlega of þægilegt. Manni langar helst hér eftir að mæta alltaf svona í partý, óaðþrengdur og hömlulaus, laus við misþægilegt partýtau. Ekki það að mitt partýtau sé eitthvað sérstaklega óþægilegt… ég segi bara svona. En já, ég tók ófáar myndir úr þessari veislu sem koma inn einhvern tíma á næstunni.

En hér vantar inn ný lög vikunnar, það er eitt sem víst er. Held ég skelli inn manni að nafni John Mayer þessa vikuna. John þessi hefur gefið út allnokkrar plötur undanfarin ár og lagði ég hlustir á nýjustu plötuna hans um daginn, plötuna Continuum sem hann gaf út á síðasta ári. Ansi fín plata verð ég að segja og kom hún mér skemmtilega á óvart. Bjóst við leiðindalegu poppi en raunin varð allt önnur. Þetta er lágstemmt blúsrokk sem fellur mjög vel að hlustinni. Ég hef reyndar ekki hlustað á hinar plöturnar hans – allt í allt hefur hann gefið út sex stykki – en ég mæli allavega alveg hiklaust með þessari. Lögin sem ég ætla að bjóða ykkur að hlusta á heita annars vegar I Don’t Trust Myself (With Loving You) og svo hins vegar útgáfu Johns af Jimi Hendrix slagaranum Bold As Love. Magnaður déskoti.

Myndagáta #15

Jæja, allt of langt liðið frá síðustu myndagátu! Hér er ný! Sá sem skilar fyrstur inn réttu svari vinnur! Það verður neflinlega alltaf að vera einhver sigurvegari, e’þaggi?

Fyrir ykkur sem ekki þekkið leikinn, þá er hér fyrir neðan brot af stærri mynd. Þið eigið að giska á hvað sé á stóru myndinni og sendið mér svo svarið. Og giskiði nú…

ATH! Ekki senda inn svör á commentin! Sendið þau til mín í e-mail eða á MSN (sjá MSN addressu hér hægra megin ef þið eruð ekki með mig á MSN listanum ykkar).

Og auðvitað eiga svo allir að taka þátt, hvort sem þið eruð með svarið á hreinu eða ekki. Það er ekkert sem heitir léleg ágiskun. Furðulegar ágiskanir eru alltaf betri en engar ágiskanir. Lausnin kemur svo á næstu dögum, eða þegar ég er búinn að fá ásættanlega margar ágiskanir.

Hvað get ég sagt?

Ferlegt er ástandið, næstum því tvær vikur síðan ég bloggaði síðast! Og ekki var það heldur mikið sem ég sagði þá. En hvað get ég svo sem sagt ykkur? Ég gæti sagt ykkur frá páskahelginni, sem var þarsíðustu helgi. Ég gæti sagt ykkur frá því þegar hljómsveitin Ramanamahamanams steig sín fyrstu skref á Conero á páskasunnudag. Ég gæti sagt ykkur frá rótburstun Manchester United á AS Roma í Meistaradeild Evrópu síðastliðinn þriðjudag. Ég gæti sagt ykkur frá þeirri skaðræðisflensu sem er búin að hrjá mig í rétt tæpa viku núna. Svo gæti ég auðvitað farið að tala um veðrið, um það hversu vorlegt er orðið og hversu grænt grasið á blettinum mínum er orðið. Já, ég gæti sagt ykkur svo ótal margt börnin góð, en ég bara nenni því ekki.

Ég ætla hins vegar að segja ykkur frá nýju plötunni með ameríska gæðabandinu Kings of Leon. Þessi hljómsveit hefur verið í gríðarlegu uppáhaldi hjá mér alveg frá því ég heyrði í þeim fyrst fyrir tæpum fjórum árum síðan. Þeir gáfu út núna fyrir stuttu sína þriðju plötu, Because of the Times. Ég verð nú að segja að þessi plata er mun þyngri og tormeltari en forverar hennar, en eftir dágóða hlustun síast þessi tónlist inn í undirmeðvitundina og maður á verulega bágt með að losa sig undan álögum hennar. Svona eiga góðar plötur að vera!

Lögin sem ég ætla að leyfa ykkur heyra eru tvö. Annars vegar er það lagið My Party, sem hefur að geyma einhvern magnaðasta lokakafla í lagi sem ég hef lengi heyrt. Síðustu 90 sekúndur lagsins eða svo eru vægast sagt stórkostlegar. Hins vegar er það svo lagið Ragoo, sem var einmitt fyrsta lagið sem greip mig af þessari yndislegu plötu.

Verði ykkur af því góðir hálsar og fylgist með á næstu dögum, því hér verður líf og fjör!

Friðberg flugmaður og Tóti pilot

Beggi og Þórir klára flugnámið. Beggi og Þórir kaupa flugvél. Beggi og Þórir fara að þrasa í háloftunum. Æsingur færist í leikinn. Útkoman er þessi…

Edward Gorey’s Alphabet

Edward Gorey var virkilega skemmtilegur listamaður. Teikningarnar hans og stíllinn minna mig svolítið á Tim Burton. Greinilegt hvaðan Burton fékk sínar inspírasjónir. Hér er stafrófið hans Edwards Gorey upp úr bókinni The Gashlycrumb Tinies, sem fjallar um dauðdaga Gashlycrumb barnanna 26 (eitt barn fyrir hvern bókstaf). Kolsvartur húmor og teiknistíll í stíl við hann.

A is for Amy who fell down the stairs

B is for Basil assaulted by bears

C is for Clara who wasted away

D is for Desmond thrown out of a sleigh

E is for Ernest who choked on a peach

F is for Fanny sucked dry by a leech

G is for George smothered under a rug

H is for Hector done in by a thug

I is for Ida who drowned in a lake

J is for James who took lyre by mistake

K is for Kate who was struck with an axe

L is for Leo who swallowed some tacks

M is for Maud who was swept out to sea

N is for Neville who died of ennui

O is for Olive done in with an awl

P is for Prue trampled flat in a brawl

Q is for Quentin who sank in a mire

R is for Rhoda consumed by a fire

S is for Susan who perished in fits

T is for Titus who flew into bits

U is for Una who slipped down a drain

V is for Victor squashed under a train

W is for Winnie embedded in ice

X is for Xerxes devoured by mice

Y is for Yorick whose head was knocked in

Z is for Zillah who drank too much gin